Árangur næst með samstarfi.  Stundum hreppir einn sviðsljósið þótt yfirleitt hafi fleiri en einn og fleiri en tveir komið að verkefninu. Steve Jobs vann með Steve Wosniak, Bill Gates með Paul Allen, Gunnar þurfti Gylfa, Tom þurfti Jerry og Simmi þurfti Jóa.  Einstaklingurinn getur verið sterkur en samvinna og samstarf skapar samræðu sem skilar sér í betri árangri. Saman erum við sterkari. Því hvetjum við fyrirtæki í Kópavogi til samstarfs og fyrsta skrefið er að gerast aðilar að Markaðsstofunni og þannig vildarvinir hennar.

Ávinningur

Með þátttöku og samstarfi eflist samfélagið og fyrirtækjaumhverfið. Við sköpum aukin verðmæti fyrir fyrirtækið þitt um leið og Markaðsstofan eflist í starfi sínu. Þannig sjáum við fleiri tækifæri en ella og náum betri árangri.  Fyrirtækið þitt hefur með þátttöku í Markaðsstofunni atkvæðisrétt á aðalfundi og fulltrúi þess getur boðið sig fram til stjórnarsetu.  Þannig hefur þú áhrif á starfsemi Markaðsstofunnar.  Markaðsstofa Kópavogs er í góðu sambandi við stjórnsýslu bæjarins og á Markaðsstofunni er dýrmæt reynsla þegar kemur að markaðsstarfi, stefnumótun, fjölmiðlun, nýsköpun, þjónustu og almannatengslum. Náin samvinna opnar augun fyrir nýjum tækifærum og tengingum.