Símamót Breiðabliks

 

Símamót Breiðabliks er stærsta knattspyrnumót sem haldið er árlega á Íslandi.
Mótið, sem er fyrir stúlkur, var haldið í 34. sinn í Smáranum dagana 12. til 15. júlí. Metþátttaka var á mótinu í ár og voru 328 lið skráð til keppni með rúmlega 2.200 stúlkur sem öttu kappi þessa þrjá daga, sem mótið fór fram. Alls voru leiknir 1.312 leikir og var spilað á 32 völlum föstudag, laugardag og sunnudag. Áætlað er að um 5.000 manns hafi verið á mótssvæðinu á hverri stundu á meðan mótið var í gangi.
Símamótið fór ekki framhjá okkur Kópavogsbúum þar sem viðvera gesta var ekki eingöngu bundin við íþróttasvæði Breiðabliks í Smáranum. Mörg keppnislið gistu í skólum bæjarins og mikil tjaldborg reis á Kópavogstúni þannig að leikmenn og aðstandendur þeirra voru vel sýnilegir um allan bæ. Mót af þessari stærðargráðu skapar aukin viðskipti í verslun og þjónustu eins og sjá mátti m.a. í sundlaugum bæjarins og í verslunum í Smárlind og Hamaborg.
Íþróttafélagið Breiðablik, starfsfólk þess og fjöldi sjálfboðaliða eiga mikið hrós skilið fyrir skipulagningu og framkvæmd á þessu glæsilega knattspyrnumóti.

 

 

 

 

 

 

 

Herramenn í Hamraborg

 

Rakarastofan Herramenn hefur flutt starfsemi sína í Hamraborg 9 í Kópavogi.

Rakarastofan Herramenn er eitt elsta starfandi fyrirtæki í Kópavogi en það var stofnuð 9. desember árið 1961 af Torfa Guðbjörnssyni hárskera og rakarameistara. Gauti, sonur Torfa, fylgdi í fótspor föður síns og hefur starfað á stofunni frá 1981. Þriðja kynslóðin bættist við árið 2003 þegar sonur Gauta, Andri Týr, byrjaði að nema fagið. Í eitt ár unnu þessar þrjár kynslóðir saman á rakarastofunni en Torfi lést árið 2004. Frá fyrsta degi hefur rakarastofan verið í hjarta Kópavogs.

Rakarastofan Herramenn sérhæfir sig í snyrtingu fyrir herramenn á öllum aldri; hár, skegg, rakstur og hárþvottur. Við hvetjum alla karlmenn í Kópavogi til að kíkja í heimsókn og kynna sé frammúrskarandi þjónsutu þeirra Herramanna.

Nánari upplýsingar um Rakarastofuna Herramenn má finna á heimasíðu fyrirtækisins www.herramenn.is/